काठमाडौँ । प्रभु इन्सुरेन्सको खुद नाफा ३९.७४ प्रतिशतले बढेर १० करोड ८६ लाख १२ हजार रुपैयाँ पुगेको छ । खुद बिमा शुल्क आर्जन बढेकाले खुद नाफामा वृद्धि भएको हो ।यसअवधिमा खुद बिमा शुल्क आर्जन १००.६१ प्रतिशतले बढेर ४२ करोड ९२ लाख ८९ हजार रुपैयाँ पुगेको छ । अघिल्लो वर्षको यसैअवधिमा यसले २१ करोड ३९ लाख ९५ हजार रुपैयाँ खुद बिमा शुल्क आर्जन गरेको थियो । चुक्ता पुँजी १ अर्ब ३७ करोड ६१ लाख २२ हजार रुपैयाँ छ । प्रतिसेयर आम्दानी १५ रुपैयाँ ७९ पैसा र प्रतिसेयर नेटवर्थ २०१ रुपैयाँ छ ।
