काठमाडौं । नेपाल स्टक एक्सचेन्ज (नेप्से)मा हिमालयन एभरेष्ट इन्सुरेन्स, जीवन विकास लघुवित्त र युनाइटेड अजोड इन्सुरेन्स लिमिटेडको बोनस सेयर सूचीकृत भएको छ ।
जीवन विकास लघुवित्तको १६ लाख ५४ हजार ८४७ कित्ता बोनस सेयर सूचीकरण गरिएको नेप्सेले जनाएको छ । यसले वितरण गरेको १४ प्रतिशत बोनस सेयर सूचीकरण गरिएको हो । युनाइटेड अजोड इन्सुरेन्सको १९ लाख ५४ हजार ३२० कित्ता बोनस सेयर सूचीकृत भएको छ । यसले सेयरधनीलाई १०.२६ प्रतिशत बोनस सेयर वितरण गरेको थियो।
हिमालयन एभरेष्टको १९ लाख ८६ हजार २२४ कित्ता बोनस सेयर सूचीकृत भएको छ । यसले सेयरधनीलाई गत वर्षको नाफाबाट वितरण गरेको ८.६३ प्रतिशत बोनस सेयर सूचीकरण गरिएको हो ।
