काठमाडौं । फर्स्ट माइक्रोफाइनान्सले आइतबार (फागुन २७ गते) देखि १ लाख ५० हजार कित्ता संस्थापक सेयर बिक्री खुला गरेको छ । यसमा जो कोही व्यक्ति, कम्पनी तथा संघसंस्थाहरुले आवेदन दिन सक्ने बिक्री प्रबन्धक मुक्तिनाथ क्यापिटलले जानकारी गराएको छ । कम्पनीले संस्थापक सेयरको न्यूनतम मूल्य प्रतिकित्ता ३१५ रुपैयाँ तोकिएको छ । यसमा बिक्री प्रबन्धक मुक्तिानाथ क्यापिटल, नारायणचौर, नक्साल काठमाडौंमा पुग्नेगरी आवेदन दिनुपर्नेछ । यसमा चैत १२ गतेसम्म आवेदन दिन सकिने बिक्री प्रबन्धकले जानकारी गराएको छ ।
