काठमाडौं । अख्तियार दुरुपयोग अनुसन्धान आयोगले वाइडबडी खरिदमा भ्रष्टाचार भएको दाबी गरी मुद्दा हाल्ने बित्तिकै नेपाली कांग्रेस कर्णाली प्रदेश संसदीय दलका नेता जीवनबहादुर शाहीको सांसद पद निलम्बित हुन पुगेको छ । अख्तियारले शाहीसमेत ३२ जना विरुद्ध मुद्दा दायर गरे लगत्तै उनका प्रदेश संसद पद स्वतः निलम्बनमा परेको हो ।
भ्रष्टचार निवारण ऐन, २०५८ अख्तियार दुरुपयोग अनुसन्धान आयोग, २०४८ मा भएको व्यवस्था अनुसार सार्वजनिक पदमा भएको व्यक्तिविरुद्ध मुद्दा दर्ता भएमा स्वतः निलम्बन पर्ने व्यवस्था छ ।
दुई वटा वाइडवडी विमान खरिदमा भ्रष्टचार गरेको भन्दै अख्तियारले पूर्व पर्यटन मन्त्रीसमेत रहेका शाहीसहित ३२ जना उपर मुद्दा दर्ता गराएको छ ।
वाइडवडी खरिदमा १ अर्ब ४७ करोड रुपैयाँ भ्रष्टचार भएको अख्तियारको दाबी जिकिर छ ।४ मंसिर २०७९ मा सम्पन्न निर्वाचनबाट शाही हुम्ला प्रदेश सभा (२) बाट निर्वाचित भएका थिए ।
