काठमाडौं । प्रधानमन्त्री प्रचण्डलाई भेट्न नेपाली कांग्रेसका महामन्त्री गगनकुमार थापा र राष्ट्रिय सभा सदस्यसमेत रहेका नेता कृष्णप्रसाद सिटौला संसदीय दलको बैठक छोडी बालुवाटार पुगेका छन् ।
प्रधानमन्त्री प्रचण्डले कांग्रेस सभापति शेरबहादुर देउवालाई भेटवार्ताका लागि बोलाएका बेला सभापति देउवाले महामन्त्री थापासहित सिटौलालाई बालुवाटार पठाएका हुन् ।
सभापति देउवाले नयाँ बानेश्वरमा संसदीय दलको बैठक चलिरहेको बेला प्रचण्डले बोलाएको जानकारी गराए लगत्तै बैठक चलिरहेकै बेला थापा र सिटौला बालुवाटार हिंडेका थिए ।
प्रतिनिधि सभा बैठक सञ्चालन लगायत समसामयिक विषयमा छलफल गर्न प्रधानमन्त्री प्रचण्डले कांग्रेस नेतासँग छलफल गर्न लागेका हुन् ।
