काठमाडौं । नेपाल राष्ट्र बैंकले क्यूआर कोडसम्बन्धी व्यवस्थाका लागि सरोकारवालाहरूसँग सुझाव मागेको छ ।
बैशाख ४ गते एक विज्ञप्ति जारी गरी यस विषयमा राष्ट्र बैंकले सुझाव मागेको हो ।
बैंकले अन्तरदेशीय भुक्तानी कारोबारका लागि क्विक रिसपोन्स कोड(क्यूआर कोड)लगायतको प्रयोग गरी मोबाइल बैंकिङ÷इन्टरनेट बैंकिङ तथा अन्तर बैंक भुक्तानी मार्फत गरिने रिटेल पेमेन्ट सम्बन्धी व्यवस्थाको मस्यौदा तयार पारेको जनाएको छ ।
सो मस्यौदा उपर आवश्यक राय सुझाव दिन बैंकले सरोकारवालाहरूलाई जेठ ३ गते भित्रको समय सीमा तोकी यस्तो आग्रह गरेको छ ।
केन्द्रीय बैंक नेपाल राष्ट्र बैंकको विदेशी विनिमय व्यवस्थापन विभागको तर्फबाट सरोकारवाला व्यक्ति तथा निकायहरूको नाममा जारी सूचनामा क्यूआर कोडसम्बन्धी व्यवस्थाको मस्यौदामा सुझाव मागिएको हो ।
