काठमाडौं । आज नेप्से परिसूचक ०.२१ प्रतिशतले घटेर १९६०.६० विन्दुमा आएको छ । आज २ अर्ब ५४ करोड रुपैयाँभन्दा बढीको सेयर कारोबार भएको छ । १३ मध्ये ४ वटा समूहका सूचक बढेका छन् ।
यस दिन ३०५ कम्पनीको ५८ लाख ७४ हजारभन्दा बढी कित्ता सेयर कारोबार भएको छ । १० करोड ६० लाख रुपैयाँभन्दा बढीसहित कारोबार रकममा फस्ट माइक्रोफाइनान्स अग्रस्थानमा रहेको छ । आज दोस्रो र तेस्रो स्थानमा क्रमशः ग्रामीण विकास लघुवित्त र हिमालयन डिष्टिलरी परेका छन् ।
