काठमाडौं । ठमेल प्लाजा होटल एण्ड सुइट्स लिमिटेडले ७० दशमलव ३० प्रतिशत हकप्रद शेयर निष्कासन गरेको छ ।
जेठ २१ गतेदेखि कम्पनीले साविकमा जारी गरिएको २० प्रतिशत हकप्रद शेयर समेत समेटी आफूले चुक्ता गरेको शेयरको ७० दशमलव ३० प्रतिशत सम्मको सीमाभित्र हुने गरी हकप्रद शेयर निष्कासन गरेको हो ।शेयरधनीबाट आवेदन प्राप्त नभएमा अन्य व्यक्ति तथा संस्थामा यी शेयर विक्री गरिने जानकारी कम्पनीले दिएको छ ।हकप्रद शेयर खरीदका लागि कम्पनीको रजिष्टर्ड कार्यालय, ठमेल, काठमाडौंबाट आवेदन प्राप्त गर्न र पेस गर्न सकिनेछ । हकप्रद शेयरबापतको रकम भने कम्पनीको नाममा सिटिजन्स बैंक इन्टरनेशनल लिमिटेडमा रहेको खाता नम्बर ०१५०१०००००६८१२०१ मा जम्मा गर्नुपर्नेछ ।
