काठमाडौं । केन्द्रीय बैंक नेपाल राष्ट्र बैंकले शुक्रबार पनि बैंकिङ प्रणालीबाट ४० अर्ब रुपैयाँ बराबरको अधिक तरलता सोस्न लागेको छ । राष्ट्र बैंकले बिहीबार बजारबाट ५० अर्ब रुपैयाँ खिचेको अर्को दिन शुक्रबार पनि ४० अर्ब रुपैया खिच्न लागेको हो ।
शुक्रबार उक्त निक्षेप संकलन उपकरणको बोलकबोल हुने बैंकले जनाउँदै त्यसका शुक्रबार मध्यान्ह १२ बजेसम्म अनलाइन बिडिङ सिस्टम सफ्टवेयरमार्फत बोलकबोल गर्न सकिने जनाएको छ ।केन्द्रीय बैंकले १४ दिनका लागि उक्त उपकरण प्रयोग गर्न लागेको हो ।
साँवा र ब्याज भुक्तानी मिति असार २१ गते निर्धारण भएको छ । यसको ब्याजदर भने बोलकबोलबाटै निर्धारण हुने बैंकले जनाएको छ ।बैंक तथा वित्तीय सस्थाहरुले न्यूनतम १० करोड र अधिकतम ५ करोडले निःशेष भाग जाने गरी निष्कासित रकम बराबरको माग गर्न पाउने छन् ।
