काठमाडौं । समाज लघुवित्त वित्तीय संस्था लिमिटेडले गत आर्थिक वर्ष २०८०/८१ को चौथो त्रैमासिक वित्तीय विवरण सार्वजनिक गरेको छ । उक्त वित्तीय विवरण अनुसार कम्पनीको खुद नाफा अघिल्लो आर्थिक वर्ष (०७९/८०)को तुलनामा गत वर्षमा ३२ दशमलव ३४ प्रतिशत घटेको छ ।
कम्पनीले अघिल्लो वर्ष रू। ७५ लाख ८२ हजार नाफा कमाएकोमा गत वर्ष रू. ५१ लाख ३० हजारमा सिमित भएको हो । गत वर्ष कम्पनीले सम्भावित जोखिम बापतको ब्यवस्थामा धेरै रकम छुट्याएको नाफा प्रभावित भएको हो । अघिल्लो वर्ष कम्पनीले सम्भावित जोखिम बापत रू. १ करोड ७४ लाख छुट्याएकोमा गत वर्ष रू.३ करोड ३१ लाख छुट्याएको छ ।
