काठमाडौं । श्वेतगंगा हाइड्रोपावर एन्ड कन्स्ट्रक्सन लिमिटेडले गत आर्थिक वर्षको चौथो त्रैमाससम्म १६ करोड ७८ लाख ३५ हजार रुपैयाँ खुद नोक्सानी व्यहोरेको छ । अघिल्लो वर्षको यसैअवधिमा यो कम्पनी १६ करोड ४२ लाख रुपैयाँ घाटामा थियो । वित्तीय खर्च बढेको कारण कम्पनी घाटामा गएको हो । उक्त खर्च ३५ करोड ८० लाखबाट बढेर ५६ करोड २६ लाख पुगेको छ ।
यता, कम्पनीको विद्युत बिक्रीबाट हुने आम्दानी ४३ करोड ६७ लाखबाट बढेर ७४ करोड ७२ लाख रुपैयाँ पुगेको छ । १ अर्ब ५९ करोड ३० लाख रुपैयाँ चुक्ता पुँजी रहेको श्वेतगंगा हाइड्रोपावरको रिटेन्ड अर्निङ ४४ करोड ६७ लाख रुपैयाँले ऋणात्मक छ ।
