काठमाडौं । चालु आर्थिक वर्षको पहिलो त्रैमासमा सूर्योदय वोमी लघुवित्तको अधिकांश सूचकमा गिरावट देखिएको छ । यसअवधिमा यो लघुवित्त ४ करोड ७१ लाख रुपैयाँ नोक्सानमा देखिएको छ ।
यसको खुद ब्याज आम्दानी पनि ३५.७१ प्रतिशतले घटेर ८ करोड ७० लाख रुपैयाँमा झरेको छ ।
यसको खराब कर्जा पनि ५.९२ प्रतिशतबाट बढेर ६.३० प्रतिशत भएको छ । यो लघुवित्तको प्रतिसेयर ४.५२ रुपैयाँ नोक्सानमा रहेको छ । यसको प्रतिसेयर नेटवर्थ १४४.८५ रुपैयाँ छ ।
