Nov 12 2025 | २०८२, कात्तिक २६गते
काठमाडौँ । मेलम्ची खानेपानी आयोजनाको मुहान क्षेत्र जाने सडकको स्तरोन्नति गर्न बुधबार टेण्डर आह्वान गरिएको छ ।मंगलबार भएको सहमति पछि सो टेण्डर आह्वान गरिएको हो ।
ऊर्जा, जलस्रोत तथा सिँचाइ, भौतिक पूर्वाधार तथा यातायात तथा शहरी विकास मन्त्री कुलमान घिसिङको उपस्थितिमा मंगलबार खानेपानी मन्त्रालय र मेलम्ची खानेपानी आयोजनाका सरोकार समितिहरूबीच भएको समझदारी बनेको थियो ।
सो समझदारी कार्यान्वयन गर्न सडक डिभिजन कार्यालय, चरिकोटले उक्त टेण्डर आह्वान गरेको हो ।मेलम्ची–अम्बाथान–मेलम्चीघ्याङ सडक खण्डको करिब १७ किलोमिटर सडक स्तरोन्नति गर्न तीनवटा प्याकेजमा विभाजन गरी टेण्डर गरिएको छ ।सडक निर्माण तथा स्तरोन्नतिसम्बन्धी समझदारी भएपछि गत कात्तिक २० गतेदेखि मेलम्ची खोलाको पानी सुरुङमार्फत काठमाडौं उपत्यकामा ल्याउने विषयमा स्थानीय पक्ष सहमत भएका थिए ।
© 2025 All right reserved to Nayasadak.com | Site By : Sobij
