काठमाडौं । नेसनल हाइड्रोपावर कम्पनी लिमिटेडले चालु आर्थिक वर्षको दोस्रो त्रैमासमा ८८ लाख ४६ हजार रुपैयाँ खुद नाफा कमाएको छ । यो गत वर्षको यसै अवधिको तुलनामा २० प्रतिशतले धेरै हो ।
वित्तीय खर्च घट्दा यसको नाफा बढेको हो । ८१ लाख २३ हजार रुपैयाँ रहेको उक्त खर्च यस अवधिसम्म आइपुग्दा ६२ लाख ५३ हजार रुपैयाँ कायम भएको छ । यस हाइड्रोपावरले पुससम्म ५ करोड ४६ लाख रुपैयाँ बराबरलो विद्युत बिक्री गरेको छ ।हाल नेसनलको २ अर्ब ४६ करोड ७१ लाख ६२ हजार रुपैयाँ बराबरको चुक्ता पुँजी छ । यसको जगेडा कोषमा २ करोड ६५ लाख जम्मा रहेको छ ।
