काठमाडौं । आइजीआई प्रुडेन्सियल इन्सुरेन्सको खुद नाफामा ५१.०८% वृद्धि भएको छ । गत वर्षको दोस्रो त्रैमाससम्ममा १२ करोड १६ लाख रुपैयाँ रहेको खुद नाफा ५१.०८% ले बढेर अहिले १८ करोड ३७ लाख रुपैयाँ पुगेको हो । यसअवधिमा खुद बिमा शुल्क आम्दानीसँगै कमिसन र लगानी तथा कर्जाबाट आम्दानी बढेपछि खुद नाफामा सुधार भएको हो ।बिमा शुल्क आम्दानी ९७.५३% ले बढेर ५१ करोड २३ लाख रुपैयाँ पुगेको छ । यस्तै, कमिसन आम्दानी ५३.४१% ले बढेर १९ करोड ७ लाख रुपैयाँ पुगेको छ भने कर्जा तथा लगानीबाट आम्दानी १११.७३% ले बढेर १९ करोड ६१ लाख रुपैयाँ पुगेको छ । आइजीआईको चुक्ता पुँजी ३ अर्ब २ करोड ९३ लाख ३४ हजार रुपैयाँ पुगेको छ ।
