काठमाडौं । मिटरब्याज पीडितहरूले उपत्यकामा मिटरब्याज विरूद्धको न्याय मार्च सुरु भएको छ ।२५ दिन हिँडेर शुक्रबार काठमाडौं आइपुगेका मिटरब्याज पीडितहरूले शानिबार आराम गरेपछि आइतबारदेखि मार्च सुरू गरेका हुन् ।
उनीहरूले एक बजेदेखि पद्मोदयमार्ग–बगबजारहुँदै विद्युत प्राधिकरणको भवनअगाडि भृकुटीमण्डपबाट कार्यक्रमको आयोजना गरे ।करिब एक हजारको संख्यामा सहभागी भएका मिटर ब्याज पीडितहरू राजधानीमा शान्तिपूर्ण न्याय मार्च गर्ने गरी आएको सहभागीहरूले बताएका छन् ।
न्याय मार्चले फन्को मारेर कार्यक्रमहरू एक ठाउँ जम्मा हुने भएका छन् । पीडितका समस्याहरूकोबारेमा विभिन्न व्यक्तिहरूले बोल्ने छन्। अहिलेसम्म सरकारले उनीहरूलाई कुनै पनि वार्ताका लागि बोलाएको छैन। त्यसैले आफूहरू आन्तरिक छलफलमा लागि परेको उनले बताए।
उनीहरूले ६ बुँदे माग राख्दै माघ १६ गतेदेखि हिँड्न थालेका हुन्। उनीहरू आफ्ना माग पुरा नभएसम्म नफर्किने अडानमा छन्।
