काठमाडौँ । मिटरब्याज पीडितहरूले माग पूरा गर्न निकालेको न्याय मार्च अन्तर्गत बिहीबार राजधानीमा सिट्ठी जुलुस निकालेका छन् ।
पीडितहरूले भृकुटीमण्डपदेखि बालुवाटारसम्म सिट्ठी बजाउँदै जुलुस निकालेका हुन् ।
माघ १६ गतेदेखि पूर्व र पश्चिमबाट मिटरब्याज पीडितहरूले पैदल हिँडरे चितवन हुँदै काठमाडौं आएर प्रदर्शन गरिरहेका छन् ।
उनीहरूले विभिन्न ६ बुँदे माग अघि सारेका छन् ।
उनीहरूको माग सम्बोधनको प्रयासस्वरुप सरकारसँग वार्ता भएपनि सहमति जुट्न नसकेको हो ।
मिटरब्याज पीडितले भृकुटीमण्डपलाई केन्द्र बनाएर आन्दोलन गर्दै आएका छन् ।
