Nov 12 2025 | २०८२, कात्तिक २६गते
काठमाडौं । सर्वोच्च अदालतले बाँसबारी छाला जुत्ता कारखानाको १० रोपनी सरकारी जग्गा फिर्ता गर्न मालपोत कार्यालय डिल्लीबजारले गरेको निर्णय फाइल झिकाउन आदेश दिएको छ। सर्वोच्चका न्यायाधीशहरू आनन्दमोहन भट्टराई र टेकप्रसाद ढुंगानाको इजलासले शुक्रबार सो निर्णय फाइल झिकाउन आदेश दिएको हो ।
सर्वोच्चका सूचना अधिकारी गोविन्दप्रसाद घिमिरेले जानकारी सार्वजनिक गरे अनुसार पेसीको दिन सक्कल फाइल देखाउने गरी झिकाउन आदेश भएको छ ।मालपोत कार्यालय डिल्लीबजारले १० रोपनी जग्गा फिर्ता गर्न गत माघ २५ गते च्याम्पियन फुटवेयर प्रालि हाल चाँदवाग रेसिडेन्सी प्रालि बाँसबारीको नाममा पत्र चलान गरेको थियो ।
मालपोतले २१ दिनभित्र प्रतिनिधि कार्यालयमा हाजिर हुनू र नआएमा कानुनबमोजिम हुने भन्दै सो पत्र चलान गरिएको थियो ।टोखा नगरपालिका वडा नम्बर ६ का अध्यक्षको रोहबरमा चाँदवागका सञ्चालक समिति अध्यक्ष सञ्जय ठाकुरको नाममा पत्र काटिएको सो पत्रको विरूद्धमा सञ्जयले रिट दायर गरे । सोही रिटमा सुनुवाइ गर्दै सर्वोच्चले यस्तो आदेश जारी गरेको हो।
© 2025 All right reserved to Nayasadak.com | Site By : Sobij
