काठमाडौं । प्रतिनिधि सभा सदस्य मञ्जु शर्मा अन्सारीको उपचारको क्रममा निधन भएको छ । काठमाडौंको सिभिल अस्पतालमा उपचारका लागि भर्ना भएकी शर्मा अन्सारी निधन भएको हो ।
२०२० साल माघ १९ गते जन्मिएकी अन्सारी २०७९ चैत १९ गते प्रतिनिधि सभा सदस्य चयन भएकी थिइन् ।
जनता समाजवादी पार्टीबाट समानुपातिक निर्वाचन प्रणालीबाट प्रतिनिधि सभा सदस्य पदमा निर्वाचित शहनाज रहमानको निधन पछि उनको ठाउँमा शर्मा अन्सारीलाई चयन गरिएको थियो ।
२०७९ फागुन १३ गते रहमानको निधन भएपछि खाली भएको ठाउँमा उनी सांसद मनोनीत भएकी थिइन् । सांसद शर्मा अन्सारीको निधनको खबर पाएपछि सभामुख देवराज घिमिरे आज नै सिभिल अस्पतालमा पुगेर शोक प्रकट गरेका छन् ।
