काठमाडौं । माओवादी केन्द्रका उपाध्यक्ष तथा पूर्वसभामुख कृष्णबहादुर महरा विरुद्ध हुने कारबाही अगाडि बढाउन गृहमन्त्री रवि लामिछानेले प्रहरी नेतृत्वलाई निर्देशन दिएका छन् ।
गृहमन्त्री लामिछानेले आतबार आईजी वसन्तबहादुर कुँवर र सीआईबीका एआईजी श्यामलाल ज्ञवालीलाई मन्त्रालयमा बोलाएर महरा विरुद्ध हुने कारबाही गर्न निर्देशन दिएका हुन् ।
सुन तस्करी सम्बन्धी छानबिन गर्न गठित उच्चस्तरीय जाँचबुझ आयोगले महराविरुद्ध मुद्दा चलाउन सिफारिस गरे अनुसार कारबाही गर्न निर्देशन दिइएको गृह मन्त्रालय स्रोतले जनाएको छ ।
यस सम्बनधमा महरासँग यसअघि आयोगले बयान समेत लिएको थियो । उनका छोरा राहुल महरा विद्युतीय चुरोट भेप मार्फत भएको सुन तस्करी प्रकरणमा पुर्पक्षका लागि थुनामा छन् ।
सोही स्रोतले बाँसबारी छाला जुत्ताको सरकारी जग्गा पनि फिर्ता ल्याउने प्रक्रियामा उद्योगपति एवम् सांसद विनोद चौधरीसँग पनि बयान निर्देशन दिइएको जनाएको छ ।
