काठमाडौं । प्रहरीले सर्वोच्च अदालत परिसर भित्र हतियार लिएर गएका व्यक्तिलाई पक्राउ गरेको छ ।
सोमबार दिउँसो सर्वोच्च अदालतभित्र हतियार लिएर प्रवेश गरेको पाइएपछि झापाको बुद्धशान्ति गाउँपालिका-३ का दीपक खड्कालाई पक्राउ गरिएको हो ।
नेपाल प्रहरीका प्रवक्ता डीआईजी भीम ढकालले जानकारी सार्वजनिक गरे अनुसार पक्राउ परेका व्यक्ति खड्का अभियन्ता भनेर हाल चिनिएका दुर्गा प्रसाईका सुरक्षा गार्ड हुन् ।
सोमबार सर्वोच्च अदालतमा दुर्गा प्रसाईंसँग सम्बन्धित मुद्दामा सुनुवाइ भइरहेको बेला उनी सर्वोच्च भित्र हतियार लिएर प्रवेश गरेका हुन् । प्रहरीले यसबारे थप अनुसन्धान गरिरहेको छ ।
