काठमाडौं । सरकारले आन्तरिक राजस्व विभागका महानिर्देशक तथा उपमहानिर्देशकलाई सरुवा गरेको छ ।अर्थमन्त्रालयले टेलिकमको बिलिङ ठेक्का प्रकरणमा विवादित रहेका आन्तरिक राजस्व विभागका महानिर्देशक भूपाल बरालको सरुवा गरेको हो ।
यस्तै मन्त्रालयले उपमहानिर्देशक अर्जुन प्रसाद भट्टराईको पनि सरुवा गरेको छ ।भूपाल बराललाई वन तथा वातावरण मन्त्रालय मातहतको वातावरण विभागको जिम्मेवारी दिइएको छ भने भट्टराईलाई संघीय मामिला तथा सामान्य प्रशासन मन्त्रालयमा पठाइएको छ ।
यसैगरी सरकारले प्रधानमन्त्री कार्यालयका सहसचिव नारायणप्रसाद सापकोटालाई अर्थमन्त्रालय लगेको छ । यस्तै सहसचिवद्वय ढुण्डीप्रसाद निरौला र शिवलाल तिवारीलाई पनि अर्थमन्त्रालय लगिएको छ ।
समाचार स्रोतका अनुसार सापकोटासहित तीनै जना सहसचिवलाई महत्वपूर्ण जिम्मेवारी दिने गरी अर्थमन्त्रालय तानिएको छ ।
