Oct 15 2025 | २०८२, असोज २९गते
काठमाडौं । श्रम स्वीकृति लिनेहरूको चाप बढेकाले त्यो काम तीन सिफ्टमा सेवाग्राहीहरूलाई सेवा दिन सुरु गरिएको छ । वैदेशिक रोजगार कार्यालय ताहचलले ३ सिफ्टमा सेवा दिन थालेको हो ।
श्रम, रोजगार तथा सामाजिक सुरक्षामन्त्री डोलप्रसाद अर्यालले एक घण्टाभित्रै श्रम स्वीकृति दिने व्यवस्था गर्न भनेपछि वैदेशिक रोजगारीमा जानेहरूलाई श्रम स्वीकृति दिने सेवा २ वटा सिफ्टबाट ३ वटामा विस्तार गरिएको छ । श्रम अधिकारीहरूका अनुसार अब सेवाको टोकन जारी भएकै दिनमा श्रम स्वीकृति जारी गर्न सकिने भएको छ ।
वैदेशिक रोजगार विभागका महानिर्देशक डण्डुराज घिमिरेकाअनुसार विहान ७ बजेदेखि दिउँसो २ बजेसम्म, दिउँसो २ बजेदेखि राति ९ बजेसम्म र राती ९ बजेदेखि विहान ४ बजेसम्मको ३ सिफ्ट कायम गरेर सेवा दिन थालिएको हो ।
© 2025 All right reserved to Nayasadak.com | Site By : Sobij
