Jun 27 2025 | २०८२, असार १३गते
काठमाडौं । काठमाडौं महानगरपालिकाले उपप्रधान तथा गृहमन्त्री रवि लामिछानेकी पत्नी निकिता पौडेल निर्वतमान उपाध्यक्ष रहेको एक सहकारीमा छापा मारेको छ ।गृहमन्त्री लामिछानेकी पत्नी पौडेल साई स्वागत बचत तथा ऋण सहकारीकी निवर्तमान उपाध्यक्ष हुन् ।
महानगरपालिकाको सहकारी विभागले सो सहकारीमा बुधबार छापा मारेको हो ।सदनमा कांग्रेसले सहकारी ठगीमा आरोपित लामिछानेको पदबाट राजीनामा मागिरहेको बेला यो छापा प्रकरण सार्वजनिक भएको हो ।
महानगरका कर्मचारीहरूले उजुरीका आधारमा सहकारीहरूको सूची तयार गरेको छ । यो सहकारी पनि सोही सूचीमा परेको छ ।महानगरले बिजुलीबजारमा रहेको सहकारी कार्यालयबाट पछिल्लो साधारणसभाको उपस्थिति निर्णय सहित माइन्युट, सहकारीबाट ऋण लिने ऋणीको विवरण, बचतकर्ताको विवरण समेत लगेको छ ।
© 2025 All right reserved to Nayasadak.com | Site By : Sobij
