काठमाडौँ । आज नेप्से परिसूचक २ दशमलव ७३ अङ्कले घटेको छ । आज ३ अर्ब रुपैयाँभन्दा बढीको सेयर कारोबार भएको छ ।यस दिन ५ कम्पनीको भाउ ९ प्रतिशतभन्दा माथिदेखि सर्किट लेबलसम्म वृद्धि भएको छ ।आज १३ मध्ये ५ वटा समूहको सूचक बढेका छन् ।
यस दिन ३०२ कम्पनीको ६९ लाख ६३ हजारभन्दा बढी कित्ता सेयर कारोबार भएको छ । २३ करोड ३२ लाख रुपैयाँभन्दा बढीसहित कारोबार रकममा गोर्खाज फाइनान्स अग्रस्थानमा रहेको छ । आज दोस्रो र तेस्रो स्थानमा क्रमशः शिवम् सिमेन्ट्स र सर्वोत्तम सिमेन्ट्स परेका छन् ।
