नया सडक
काठमाडौं । प्रधानमन्त्री पुष्पकमल दाहाल प्रचण्ड आज चितवन जान लागेका छन् । भरतपुर केन्द्रीय अस्पतालको ६८औं वार्षिकोत्सव समारोहको उद्घाटन गर्न प्रधानमन्त्री प्रचण्ड चितवन जान लागेका हुन् ।बिहान ११ बजे प्रधानमन्त्री चितवन पुग्ने कार्यक्रम रहेको छ ।
यसैगरी प्रधानमन्त्री प्रचण्डले चितवनको भरतपुर-१५ मा निर्माणाधीन गौतमबुद्ध अन्तर्राष्ट्रिय क्रिकेट रंगशालामा हुने पहिलो अन्तर प्रदेश राष्ट्रिय खेलकुद प्रतियोगिताको औपचारिक उद्घाटन गर्ने कार्यक्रम पनि तय गरिएको छ ।आज दिउँसो ४ बजे उनले प्रतियोगिताको उद्घाटन गर्ने जनाइएको छ ।
भरतपुर महानगर प्रमुख रेनु दाहालले चितवनमा हजारौं खेलाडीको सहभागिता रहने गरी पहिलो अन्तर प्रदेश खेलकुद प्रतियोगिता आयोजना गर्न लागिएको जानकारी दिइन् ।
भरतपुर भ्रमण वर्षलाई प्रबर्द्धन गर्नका लागि यस्ता प्रतियोगिता, विभिन्न संघसंगठनका भेला, महाधिवेशन जस्ता कार्यक्रमहरु भरतपुरमा आयोजना भैरहेको उनले बताइन् ।
अनुसन्धानात्मक प्रकाशन समूह प्रा. लि.
काठमाण्डौ नेपाल
फोन नम्बर: ०१-४२३९५५०
इमेल : [email protected]
[email protected]
सुचना विभाग दर्ता नम्बर: ४९९ / ०७४-७५
सम्पादक
ज्ञान प्रसाद पौडेल
अमेरिका
पूर्ण सिंह बराईली
समाचारदाता
एस.एम. पौडेल
के.पि. पौडेल
देव गौतम