काठमाडौं । सूचना तथा सञ्चार मन्त्रालय भ्रष्टाचारको अखाडा बनेको छ । प्रेस सेन्टरको पदाधिकारी बैठकलाई सम्बोधन गर्दै सञ्चार तथा सूचना प्रविधि मन्त्री रेखा शर्माले यस्तो बताएकी हुन् ।
सञ्चार मन्त्रालय आम सञ्चार क्षेत्रको मन्त्रालय हो यसमा धेरै निकाय रहेका छन् । थुप्रै ठाउँमा अनियमितता भएको पाइएको छ ।
धेरै माथि मुद्दा चलाइएको भन्दै मन्त्री शर्माले सञ्चार मन्त्रालय सुशासनको क्षेत्रमा कठोर भएर अगाडि बढेको बताइन् ।
मिडिया काउन्सिल विधेयक पेस भएको बताउँदै उनले रेडियो नेपाल र नेपाल टेलिभिजन गाभ्ने गरी प्रसारण ऐन बनाउने काम भइरहेको बताइन् ।
सामाजिक सञ्जालको नियमन गर्ने नीति बनाउने काम भइरहेको बताउँदै मन्त्री शर्माले आम सञ्चार ऐन कानुन मन्त्रालयमा गएको र त्यहाँबाट मन्त्रिपरिषद्मा पेस गर्ने जानकारी दिइन् ।
प्रेस सेन्टरका अध्यक्ष विष्णु सापकोटा जुगलले प्रेस सेन्टरको पदाधिकारी बैठक र पत्रकारहरूको अवस्था बारेमा धारणा राखेका थिए ।
