काठमाडौं । प्रहरीले हाम्रो नयाँ कृषि सहकारी ठगी प्रकरणमा तीन जनालाई पक्राउ गरेको छ ।
प्रहरीको केन्द्रीय अनुसन्धान व्यूरो (सीआईबी)ले तीन जनालाई पक्राउ गरेर ठगीको कसूरमा अनुसन्धान अघि बढाएको हो । पक्राउ परेकाहरूको हकमा सीआईबीले अहिलेसम्म औपचारिक रुपमा केही बोलेको छैन ।
सीआईबी उच्च स्रोतका अनुसार पक्राउ पर्नेहरूमा सहकारीका उपाध्यक्ष लिलाबहादुर गुरुङ, कोषाध्यक्ष नवीन अछामी र सञ्चालक समिति सदस्य रामहरि अधिकारी छन् ।
हाम्रो नयाँ कृषि सहकारीबाट पीडित भएको भन्दै अहिलेसम्म २१ जनाले सीआईबीमा जाहेरी दिएअनुसार करिब साढे २ करोड रुपैयाँ अपचलन भएको छ ।