काठमाडौं । सिद्धार्थ बैंक लिमिटेडले चालु आर्थिक वर्षको तेस्रो त्रैमाससम्ममा १ अर्ब ६८ करोड ४० लाख रुपैयाँ खुद नाफा कमाएको छ। यस बैंकको खुद ब्याज आम्दानी घटेपनि इम्पेयरमेन्ट चार्ज पनि घट्दा नाफामा सुधार आएको हो । ६ अर्ब ७ करोड ६१ लाख रहेको खुद ब्याज आम्दानी यसअवधिसम्म आइपुग्दा घटेर ६ अर्ब १ करोड रुपैयाँ कायम भएको छ । यसको इम्पेयरमेन्ट चार्ज भने २ अर्ब १६ करोडबाट घटेर १ अर्ब ७० करोड रुपैयाँ कायम भएको छ । सञ्चालन नाफा १४.४२ प्रतिशतले बढेको छ ।हाल यस बैंकको चुक्ता पुँजी १४ अर्ब ८ करोड ९९ लाख रुपैयाँ रहेको छ ।प्रतिसेयर आम्दानी १.८६ रुपैयाँले बढेर १६।१० रुपैयाँ पुगेको छ । यसको प्रतिसेयर नेटवर्थ भने १८६.११ रुपैयाँ छ ।
