काठमाडौं । सर्वोच्च अदालतमा सहकारी ठगी प्रकरणमा जोडिएका उपप्रधान तथा गृहमन्त्री रवि लामिछानेलाई पदबाट हटाउन माग गर्दै रिट दर्ता भएको छ । सो रिटको जेठ १६ गते पेशी तोकिएको छ ।
अनुपम भट्टराईले गृहमन्त्री लामिछानेविरुद्ध रिट निवेदन दर्ता गराएका हुन् । सहकारी ठगी प्रकरणमा जोडिएका लामिछानेलाई पदबाट निलम्बन गर्न र उनीविरुद्ध कुनै मुद्दा छैन भन्ने महान्यायाधिवक्ता कार्यालयको पत्र खारेजीको माग माग दाबीसहित सो रिट दायर गरिएको छ ।
पदमा बहाल रहँदा सहकारी ठगी छानबिनको अनुसन्धानलाई प्रभावित पार्ने भएकाले पदबाट हटाउन माग गरिएको हो ।
