काठमाडौं । असार १६ गतेदेखि उरै नाका पूर्णरूपमा सञ्चालनमा आउने भएको छ । चीनको स्वशासित प्रान्त तिब्बतसँग सिमाना जोडिएको उरै नाका पूर्णरूपमा सञ्चालनमा आउने भएको हो ।
बझाङका प्रमुख जिल्ला अधिकारी विश्वामित्र कुइँकेलले जानकारी सार्वजनिक गरे अनुसार यो नाका खुलेपछि व्यापार–व्यवसायका निम्ति सीमापारि जान हालसम्म कम्तीमा पाँच जनाले अनुमतिपत्र लिएसकेका छन् ।
नेपाल र चीन सरकारबीच चीनसँगका १४ नाका क्रमिक रूपमा खोल्ने सहमतिभएसँगै यही जेठ १२ गते तिब्बतको सिगात्सेको चेन्टाङमा आयोजित कार्यक्रममार्फत उपप्रधानमन्त्री एवं परराष्ट्रमन्त्री नारायणकाजी श्रेष्ठ र चीनको स्वशासित क्षेत्र तिब्बतका उपध्याक्ष सिलाङ निमाले संयुक्त रूपमा नाका फेरि सञ्चालन भएको घोषणा गरेका थिए ।
