Logo
Logo

Sep 22 2024 | २०८१, असोज ६गते

images
Logo

Copyright © All right reserved to
Naya Sadak Website
Site By: SobizTrend

आइएमएफले विस्तारित कर्जा सुविधाअन्तर्गत नेपाललाई पाँच अर्ब ५९ करोड उपलब्ध गराउने

नया सडक

२०८१, जेठ २४ बिहीबार

  • 594
    Shares
    • आइएमएफले विस्तारित कर्जा सुविधाअन्तर्गत नेपाललाई पाँच अर्ब ५९ करोड उपलब्ध गराउने

    काठमाडौ।अन्तर्राष्ट्रिय मुद्रा कोष (आइएमएफ) को प्रतिनिधि मण्डलले आज अर्थमन्त्री वर्षमान पुनसँग भेटवार्ता गरेको छ । कोषको एसिया प्रशान्त डिभिजनअन्तर्गत डेपुटी डिभिजन प्रमुख तथा नेपालका लागि आवासीय प्रमुख डा टिडियान किन्डा नेतृत्वको टोलीले मन्त्री पुनसँग सिंहदरबारस्थित मन्त्रालयमा भेटवार्ता गरेको हो ।

    भेटमा कोषले नेपाललाई विस्तारित कर्जा सुविधा (एक्सटेन्डेड क्रेडिट फेसिलिटी– इसिएफ) अन्तरगतको चौँथो किस्ता उपलब्ध गराउने विषयमा छलफल भएको अर्थमन्त्री पुनको सचिवालयले जनाएको छ । आइएमएफ कार्यकारी बोर्डले कोरोना महामारीको समयमा २०७८ पुसमा नेपाललाई इसिएफअन्तर्गत चार वर्षभित्र ३९ करोड ८८ लाख अमेरिकी डलर सहुलियतपूर्ण कर्जा दिने निर्णय गरेको थियो । जसमध्ये यसअघि नै तेस्रो किस्ता निकाशा भइसकेको छ भने अन्तिम अर्थात चौँथो किस्ताबापत ४२ मिलियन अमेरिकी डलर ( पाँच अर्ब ५९ करोड ) उपलब्ध गराउन बाँकी छ ।

    विस्तारित कर्जा सुविधाको प्रत्येक किस्ता रकम निकाशा गर्नुअघि कोषले यसअघिको प्रतिबद्धताको समीक्षा गर्ने गरेको छ । सोही समीक्षाका लागि कोषको प्रतिनिधिमण्डल नेपाल आएको हो । भेटमा मन्त्री पुनले नेपालले आर्थिक स्थायित्व, सुशासन र वित्तीय अनुशासनलाई प्राथमिकतामा राखेको बताउनुभयो । मन्त्री पुनसँगको भेटमा डा किन्डाले आइएमएफ कार्यकारी बोर्डले विस्तारित ऋण सुविधाको समीक्षा पूरा हुने चरणमा रहेकाले बाँकी रकम छिट्टै निकाशा गर्ने जानकारी दिनुभयो । उहाँले नेपालले वित्त र मौद्रिक नीतिको सुधार तथा वित्तीय अनुशासन कायम गर्ने विषयमा राम्रो प्रगति गरेको जनाउँदै प्रशंसा गर्नुभयो ।

    आइएफएफले संरचनात्मक तथा नीतिगत सुधारका क्षेत्र तथा मध्यमअवधिको भुक्तानी सन्तुलन, आन्तरिक राजस्व परिचालन, सार्वजनिक लगानी व्यवस्थापन र वित्तीय जोखिम घटाउन ईसिएफ फण्डमार्फत विभिन्न मुलुकलाई आर्थिक सहायता प्रदान गर्दै आएको बताउनुभयो । विस्तारित कर्जा सुविधा (इसिएफ) अन्तर्गतको उक्त रकम नेपालले बजेटरी सहायता शीर्षकमा राखेर खर्च गर्दै आएको छ । (रासस)

    प्रतिक्रिया दिनुहोस
    images
    images
    images
    ताजा अपडेट
    Logo

    अनुसन्धानात्मक प्रकाशन समूह प्रा. लि.
    काठमाण्डौ नेपाल
    फोन नम्बर: ०१-४२३९५५०
    इमेल : [email protected]
    [email protected]
    सुचना विभाग दर्ता नम्बर: ४९९ / ०७४-७५

    सामाजिक सञ्जालमा

    हाम्रो टिम

    सम्पादक 
    ज्ञान प्रसाद पौडेल

    प्रबन्ध निर्देशक
    रत्नमणि दाहाल

    अमेरिका
    पूर्ण सिंह बराईली

    समाचारदाता
    एस.एम. पौडेल
    के.पि. पौडेल
    देव गौतम

    न्याभिगेसन

  • प्रदेश १
  • अन्तराष्ट्रिय
  • जीवनशैली
  • नयाँसडक विशेष
  • सूचना प्रविधि
  • खेलकुद
  • प्रदेश २
  • सम्पादकीय
  • बैंक/बित्त
  • शिक्षा
  • फाेकस
  • बागमती प्रदेश
  • मनाेरञ्जन
  • स्वास्थ्य
  • सेवा
  • पर्यटन
  • गण्डकी प्रदेश
  • उधोग/बाणिज्य
  • साहित्य
  • नयाँसडक प्रवास
  • विचार
  • समाज
  • समाचार
  • प्रदेश ५
  • राजनीति
  • बजार
  • प्रदेश
  • कर्णाली प्रदेश
  • सुदुरपश्चिम प्रदेश
  • पत्रपत्रिकाबाट
  • ईपेपर
  • भिडियो
  • पत्रपत्रिकाबाट
  • व्यवसाय
  • कृषि
  • राजश्व/भन्सार
  • बिमा
  • विविध
  • सहकारी

    • Copyright © All right reserved to अनुसन्धानात्मक प्रकाशन समूह प्रा. लि. Site By: SobizTrend