काठमाडौ । पशुपंक्षी र जनावरहरूको पनि स्वतन्त्र र सहज रूपमा, बिना पीडामा बाँच्न पाउने अधिकार सुनिश्चित हुनुपर्ने अधिकारकर्मीहरूले माग गरेका छन् । मानिसहरूले पशुपक्षीहरू तथा जनावरहरूलाई आफ्नो स्वार्थका लागि उनीहरूलाई दुःख पीडा दिने गरेकोमा यस्तो गर्न नहुने भन्दै यस्तो माग गरिएको हो ।
जनावरहरू तथा पशुपक्षीहरूले पनि स्वतन्त्र रूपमा, बिना पीडा र आरामदायी रूपमा बाँच्न पाउनु पर्ने वकालत एनिमल नेपालले डेढ दशकदेखि गर्दै आएको छ । सन् २००९ देखि निरन्तर जनावर तथा पशुपक्षीहरूको अधिकार स्थापना गरी उनीहरूको जीवन सहज बनाउनको लागि काम गर्दै आएको एनिमल नेपालले सो विषयमा हालै एक अन्तरक्रिया गरी यस्तो विषयमा जानकारी दियो ।
एनिमल नेपालकी प्रमुख सुरक्षणा राणाले असार १ गतेका दिन पर्न गएको इन्टरनेसनल वर्किङ एनिमल्स डे एन्ड ब्यान लाइभ एक्सपोर्ट्स इन्टरनेसनल अवाएरनेस ट्वेन्टीट्वेन्टी फोरलाई लक्षित गरी यो छलफलको आयोजना गरेको बताइन् ।
