काठमाडौं । ज्यासमिन फिटनेस क्लब एन्ड स्पाले अन्तर्राष्ट्रिय योग दिवसको अवसरमा योगसम्बन्धी विशेष कार्यक्रम गर्ने भएको छ । ज्यासमिनले अन्तर्राष्ट्रि योग दिवसमा जुन २१ तदनुसार असार ७ गते शुक्रबार योगसम्बन्धी विभिन्न कार्यक्रमको आयोजना गरेर मनाउन लागेको हो ।
त्रिपुरेश्वरस्थित युनाइटेड वर्ल्ड ट्रेड सेन्टरमा सञ्चालित ज्यासमिन फिटनेस क्लब एन्ड स्पाले आफ्नो परिसरमा योग दिवस बिहान ७ बजेदेखि ९बजेसम्म मनाउन लागेको जनाएको छ ।उक्त दिन ज्यासमिनले योग प्रवचन, मिश्रित कार्यशाला, मन्त्रोचरण, योग प्रतिस्पर्धा र पुरस्कार वितरणको कार्यक्रमको आयोजना गरेको सञ्चालकले बताएका छन् ।
