Apr 21 2025 | २०८२, वैशाख ९गते
काठमाडौं । चालु आर्थिक वर्षको एघार महिनामा १० करोडदेखि खर्बसँगको व्यापार घाटा ६८ देशहरूसँग भएको छ । भन्सार विभागले शुक्रबार १७० देशसँग भएको भनी व्यापार घाटाको प्रतिवेदन अनुसार १० करोड भन्दा माथि ८ खर्ब बढीको व्यापार घाटा हुने देशहरूको संख्या ६८ रहेको छ । जसमा अपरिभाषित भनी उल्लेख गरिएकोसँग ४ अर्ब २० करोड बढीको व्यापार घाटा रहेको छ । सबै भन्दा बढी भारतसँग ८ खर्ब बढीको रहेको छ भने चीनसँग २ खर्ब बढीको व्यापार घाटा भएको जनाइएको छ ।
दश अर्ब बढी व्यापार घाटा हुने देशहरूमा अर्जेन्टिना, अस्ट्रेलिया, मलेसिया, युक्रेन र युएई रहेका छन् । यसै गरी अर्ब बढी व्यापार घाटा हुनेहरूमा बंगलादेश, बेल्जियम, ब्राजिल, ब्रुनाइ, क्यानाडा, जर्मनी, ग्वाटेमाला, हंगकंग, इन्डोनेसिया, इजरायल, इटली, जापान, दक्षिण कोरिया, मोरक्को, म्यानमार , नेदरल्यान्ड, नाइजेरिया, ओमान, पोल्यान्ड, कतार, रुसी महासंघ, सिंगापुर, दक्षिण अफ्रिका, स्विटजरल्यान्ड, चीनको ताइवान, थाइल्यान्ड, टर्की, तुर्कमेनिस्तान,युके, युएस र भिएतनाम रहेका छन् ।
दश करोड बढीको व्यापार घाटा हुने देशहरूमा बेनिन, भुटान, बुल्गेरिया, चेक रिपब्लिक, इजिप्ट, आयरल्यान्ड, इथोपिया, इराक, केन्या, कुवेत, म्याक्सिको , मंगोलिया, मोजाम्बिक, पाकिस्तान, पराग्वे, फिलिपिन्स, रिमोल्डोभा, रोमानिया,स्पेन,श्रीलंका,स्वाजिल्यान्ड,स्विडन, टोबो र तान्जनिया रहेका छन् ।
© 2025 All right reserved to Nayasadak.com | Site By : Sobij
