काठमाडौं । सरकारले निलम्बित मुख्य सचिव बैकुण्ठ अर्याललाई राष्ट्रिय योजना आयोगमा सरुवा गरेको छ ।राष्ट्रिय योजना आयोगमा विशेष पद सिर्जना गरेर निलम्बित मुख्य सचिव अर्याललाई सरकारले सरुवा गरेको हो ।
सोमबार बसेको मन्त्रिपरिषद् बैठकले अर्यालले राजीनामा नदिएपछि उनलाई विशेष पद सिर्जना गरेर योजना आयोगमा लाने निर्णय गरेको हो ।
यसैगरी बैठकले प्रधानमन्त्री तथा मन्त्रिपरिषद् कार्यालयकी सचिव लीलादेवी गड्तौलालाई कामु मुख्य सचिवमा निरन्तरता दिने निर्णय परिवर्तन नगरेको हो ।
