काठमाडौं । काठमाडौं महानगरपालिकाले कर नतिर्ने तीन दर्जन बढी डान्सबार, दोहोरी र क्लबको नाम सार्वजनिक गरी कर तिर्न आउने चेतावनी दिएको छ ।महानगरपालिकाले मनोरञ्जन कर बुझाउन लिखित, फोन वा मौखिक जानकारी गराएपनि बुझाउन नआएका ४४ वटा डान्सबार, दोहोरी र क्लबको नाम सार्वजनिक गरी उनीहरूलाई कर चुक्ता गर्न भनेको हो ।
महानगरले ४४ कम्पनीलाई ३५ दिन भित्र कर नबुझाए कारबाही गरिने चेतावनी समेत दिएको छ ।कम्पनीहरुले ३५ दिनभित्र कर नबुझाए आर्थिक ऐन, २०८० को दफा २१ बमोजिम कारबाही गर्ने समेत चेतावनी सार्वजनिक सूचनामा जनाइएको छ ।
