काठमाडौं । नेपाल राष्ट्र बैंकले आर्थिक वर्ष २०८१/८२ को मौद्रिक नीति भोलि शुक्रबार ल्याउने अन्तिम तयारी गरेको छ । शुक्रबार मौद्रिक नीति सार्वजनिक गर्ने गरी केन्द्रीय बैंकले नीतिको मस्यौदा तयार पारेको राष्ट्र बैंक स्रोतले जनाएको छ । मौद्रिक नीतिको विषयमा छलफल गर्न आजै राष्ट्र बैंकको व्यवस्थापन समिति बैठक बस्दैछ ।
शुक्रबार बिहान बस्ने सञ्चालक समितिको बैठकले मौद्रिक नीति अनुमोदन गरी सार्वजनिक गर्ने तयारी केन्द्रीय बैंकको छ । मौद्रिक नीतिको विषयमा केन्द्रीय बैंकका गभर्नर महाप्रसाद अधिकारी र अर्थमन्त्री विष्णु पौडेलबीच मंगलबारै छलफल भएको थियो ।
