काठमाडौं । आज शुक्रबार ल्याउने तयारी भएको मौद्रिक नीति रोकिएको छ । मौद्रिक नीतिको पर्याप्त छलफल हुन नसकेको भन्दै मौद्रिक नीति अचानक रोकिएको हो । नेपाल राष्ट्र बैंक सञ्चालक समितिमा मौद्रिक नीतिबारे छलफल गर्ने समय कम भएकाले तत्काललाई रोकिएको बताइएको छ । आज बिहान राष्ट्र बैंक सञ्चालक समिति बसेर नीति पारित गर्ने तयारी थियो ।
यसबारे सञ्चालक समितिमा छलफल गर्न थप केही समय चाहिने भयो, त्यसकारण आज शुक्रबार सार्वजनिक हुने सम्भावना टरेको छ । प्रधानमन्त्री केपीशर्मा ओलीको आर्थिक सल्लाहकारमा डा। युवराज खतिवडा आइसकेपछि उनले मौद्रिक नीतिबारे परामर्श गर्न खोजेपछि रोकिएको अर्को स्रोत बताउँछ ।
