काठमाडौं । प्रतिपक्षमा रहेका तीन दल नेकपा माओवादी केन्द्र , नेकपा एकीकृत समाजवादी र राष्ट्रिय स्वतन्त्र पाटीसमेतले प्रधानमन्त्री केपी शर्मा ओलीलाई विश्वासको मत नदिने निर्णय गरेका छन् ।प्रधानमन्त्री ओलीले आइतबार विश्वासको मत माग्न लागेकोमा त्यसबारे उनीहरूले यस्तो निर्णय गरेका हुन् ।
नेकपा माओवादी केन्द्रका अध्यक्ष पुष्पकमल दाहाल प्रचण्ड, एकीकृत समाजवादीका अध्यक्ष माधवकुमार नेपाल र राष्ट्रिय स्वतन्त्र पार्टीका सभापति रवि लामिछानेको बैठकले सो निर्णय गरेको हो ।माओवादी केन्द्रमा उपमहासचिव वर्षमान पुनले विश्वासको मत नदिने निर्णय गरिएको जानकारी सार्वजनिक गरेका छन् ।
नयाँ सरकार ७६ (३) अनुसार गठन हुनुपर्नेमा त्यसो नभएर ७६ (२) मा पुनः सरकार बन्नु असंवैधानिक भएको र ठूला दल मिल्दा निरंकुशताको खतरा हुने बताउँदै पुनले विश्वासको मत नदिने बताए ।प्रधानमन्त्री ओलीले आइतबार प्रतिनिधि सभामा विश्वासको मत लिने कार्यसूची छ ।
