काठमाडौँ ।आज काठमाडौँ उपत्यकाका सबै स्थानीय तहमा सार्वजनिक बिदा रहेको छ। कीर्तिपुर नगरपालिकाका मेयर राजकुमार नकर्मीको निधनको शोकमा आइतबार सार्वजनिक बिदा दिइएको हो ।
काठमाडौँ उपत्यका मेयर्स फोरमले काठमाडौँ, ललितपुर र भक्तपुरका स्थानीय तहमा सार्वजनिक बिदा दिने निर्णय गरेको हो। यससँगै, आज आफ्नो क्षेत्रका वडा कार्यालय, विद्यालय तथा सार्वजनिक कार्यालय बन्द रहने भएको छ ।
गत बिहिबार उपचारका क्रममा मेयर नकर्मीको वीर अस्पतालमा मृत्यु भएको थियो। उनी मिर्गौला रोगबाट पीडित थिए ।
