काठमाडौँ । बंगलादेशमा बनाउने भनिएको अन्तरिम सरकारको प्रमुख सल्लाहकार बन्न नोबेल शान्ति पुरस्कार विजेता प्राध्यापक मोहम्मद युनुस सहमत भएका छन् । द डेली स्टारले विश्वसनीय स्रोतकोआधारमा प्राध्यापक युनुस अन्तरिम सरकारको नेतृत्व गर्न सहमत भएको जनाएको हो ।
युनुसले सुरुमा छात्रहरूले मलाई सम्पर्क गर्दा त म सहमत नभएको तर विद्यार्थीहरूले बारम्बार आग्रह गरिरहेको बताएको द डेली स्टारले जनाएको छ । साथै द डेली स्टारले युनुसले पछि सो आग्रहलाई स्वीकारगरेकोजनाएको छ ।
युनुस यतिबेला विदेशमा रहेका छन् । उनी पेरिस ओलम्पिकको उद्घाटन समारोहमा सहभागी हुन गएका थिए । छिट्टै नै उनी स्वदेश फर्कने बताइएको छ । यसअघि युनुसले शेख हसिनाको राजीनामापछि बंगलादेश 'स्वतन्त्र' भएको टिप्पणी गरेका थिए ।
हसिनाको कब्जामा रहेको मुलुक स्वतन्त्र भएको उनले भारतीय सञ्चारमाध्यम द प्रिन्टसँगको कुराकानीमा भनेका थिए । अवामी लिग नेतृत्वको सरकारले युनुसलाई १९० भन्दा बढी आरोप लगाएको छ । हसिनाले आफ्नै बुवा बंगबन्धु शेख मुजिबुर रहमानको विरासत ध्वस्त पार्ने काम गरेको युनुसको आरोप छ ।
