May 12 2025 | २०८२, वैशाख ३०गते
काठमाडौं । कृषि सामाग्री कम्पनीले चार वटा कम्पनीको मल खरिद गर्न टेण्डर स्वीकृत गरेको छ । ३० हजार मेट्रिक टन मल खरिद लागि परेका ६ वटा कम्पनीमध्ये ४वटा कमपनीहरूको प्राविधिक प्रस्ताव स्वीकृत गरिएको हो ।मल खरिद गर्न स्वीकृति पाएका कम्पनीहरूमा विल्सन इन्टरनेशनल डिएमसिसि दुबई,आदित्य बिरला ग्लोबल ट्रेडिङ सिंगापुर ,इन्डियन पोटास लिमिटेड नयाँ दिल्ली र सन इन्टरनेशनल एफजेटइ दुबई छन्।
प्राविधिक प्रस्ताव स्वीकृत भएका कम्पनीहरूको आर्थिक प्रस्ताव भदौ १२ गते तदनुसार अगस्ट २८ मा खोलिने छ । आर्थिक प्रस्तावमा सबै भन्दा कम मूल्य कबोल गर्ने कम्पनीले टेण्डर पाउनेछ।कषि सामाग्री कम्पनीले जुन २४ मा मल खरिदका लागि टेण्डर आह्वान गरेकोमा मल खरिदका लागि ६ वटा कम्पनीको आवेदन परेको थियो। तीमध्ये २ कम्पनीको काजपत्र नपुग भएपछि प्राविधिक प्रस्ताव स्वीकृत हुन सकेको थिएन् ।
© 2025 All right reserved to Nayasadak.com | Site By : Sobij
