दाङ । प्रहरीले दाङको घोराहीस्थित महेन्द्र बहुमुखी क्याम्पस परिसरमा विष्फोटक पदार्थ फ्याँकेर भागेका दुई जनालाई पक्राउ गरेको छ ।प्रहरीले घोराहीका अभियान थापा र सुदन कार्कीलाई पक्राउ गरेको हो ।
दुवै जनाले आज बिहान क्याम्पस परिसरमा विष्फोट पदार्थ फ्याँकेर मोटरसाइकल चढी भागेका थिए ।जिल्ला प्रहरी कार्यालय दाङका अनुसार दुवैलाई भागिरहेकै अवस्थामा पक्राउ गरिएको हो । पक्राउ परेकाहरुले रमाइलोका लागि त्यस्तो गरेको बयान प्रहरीलाई दिएका छन् ।
