काठमाडौँ । पोखरा अन्तर्राष्ट्रिय विमानस्थल निर्माण गर्दा लिइएको ऋणलाई अनुदानमा परिणत गर्न चिनियाँ पक्षलाई आग्रह गरिएको छ । अर्थ मन्त्रालयले सो ऋणलाई अनुदानमा परिणत गर्न चिनियाँ पक्षलाई पत्र लेखेको हो ।
अर्थ मन्त्रालय अन्तर्राष्ट्रिय आर्थिक सहायता समन्वय महाशाखा प्रमुख धनीराम शर्माले सो पत्र चीन अन्तर्राष्ट्रिय विकास सहयोग नियोगका उपाध्यक्ष याङ वेइकुनलाई हस्तान्तरण गरेका हुन् ।
