काठमाडौं । रामेछापको दोरम्बा शैलुङ ३ लेखर्कबस्तीमा पहिरोबाट ६ जनाको मृत्यु भएको छ ।पहिरोमा ज्यान गुमाउनेहरूमा शिक्षिका चण्डिका थापामगर र उनका २ वर्षका छोरा आयुस रहेका छन् ।अन्य मृतकहरूको पहिचान खुल्न बाँकी रहेको छ ।
पहिरोमा पर्नेहरूमा पुड्की पहरी, उर्मिला पहरी, सन्तोष पहरी, विज्ञान पहरी, सन्दीप पहरी, काले पहरी झ्याउकिरी पहरी र विपिता पहरी रहेका छन् ।फेला परेका ४ वटा शव उनीहरुमध्येकै हुनसक्ने प्रहरीले अनुमान गरेको छ ।
गए राति गएको पहिरोमा परी ४ जना अझै बेपत्ता छन् । १ जनाको सकुशल उद्धार गरिएको छ ।यसैगरी अञ्जना पहरीको उद्धार गरिएको छ । उनी खतरामुक्त रहेको प्रहरीले जनाएको छ ।पहिरोले ४ वटा घर बगाएको थियो । यस्तै एउटा पक्की पुल पनि बगाएको छ ।
