काठमाडौं । साउन मसान्तसम्म आइपुग्दा एनआइसी एसिया ब्यालेन्सड फन्ड र एनआइसी एसिया ग्रोथ फन्डको न्याभ बढेको छ । एनआइसी एसिया ब्यालेन्सड फन्डको साउन महिनामा न्याभ १ रुपैयाँ ७८ पैसाले बढेर १२ रुपैयाँ ७८ पैसा कायम भएको छ । अघिल्लो महिना यसको न्याभ ११ रुपैयाँ रहेको थियो । फन्डले साउन मसान्तसम्म ५९ करोड ५१ लाख रुपैयाँ बराबरको सूचीकृत सेयर होल्ड गरेको छ ।यसको बैंक मौज्दातमा ९ करोड ४ लाख रुपैयाँ रहेको छ ।
एनआइसी एसिया ग्रोथ फन्डको न्याभ साउन मसान्तमा २ रुपैयाँ २२ पैसाले बढेर १३ रुपैयाँ ६९ पैसा कायम भएको छ । यसको न्याभ ११ रुपैयाँ ४७ पैसा रहेको थियो । फन्डले साउन मसान्तसम्म ८१ करोड ८० लाख रुपैयाँ बराबरको सूचीकृत सेयर होल्ड गरेको छ ।
यसको बैंक मौज्दातमा १८ करोड ८४ लाख रुपैयाँ छ ।
