काठमाडौँ । चालु आर्थिक वर्षको पहिलो महिना साउनमा मार्बल, टाइल र ग्रेनाइटको आयातमा गिरावट आएको छ ।भन्सार विभागले सार्वजनिक गरेको प्रतिवेदन अनुसार एसचएसकोड ६८०२ कोटीका मार्बल , टाइल र ग्रेनाइटको आयातमा गत आर्थिक वर्षको पहिलो महिना साउनको तुलनामा गिरावट आएको हो ।
चालु आर्थिक वर्षमा एचएसकोड६८०२१००० कोटीको टाइल क्युब ११२८ केजी आयात भएको छ । यो गत आवमा ६९०१ केजी आयात भएको थियो । यो टाइल भारतबाट आयात भएको हो ।यो वर्ष र चीन र भारत दुवै देशबाट आयात भएको मार्बल पनि गत आवको तुलनामा घटेको छ ।
एचएसकोड ६८०२२१०० अन्तर्गतको मार्बल यो साउनमा चीनबाट १९१ केजी आयात भयो भने भारतबाट ६०६५ केजी आयात भएको छ । तर गत वर्ष भारतबाट मात्र आयात भएको यो कोटीको आयात ८५२० केजी भएको थियो।
यसैगरी ग्रेनाइटको आयात ३२ लाख केजी कम भएको छ । यो साउनमा भारतबाट ५३लाख ४३ हजार १सय३९ केजी आयात भएको छ । गत वर्ष यो भारतबाट ८५लाख ९४हजार ५ सय ५० केजी आयात गरिएको थियो ।
