काठमाडौँ । आज नेप्से परिसूचकमा ५०.७३ अंकले घटेर २६३७.३९ बिन्दुमा आएको छ । आज १० अर्ब ३३ करोडभन्दा बढीको सेयर कारोबार भएको छ । ४ कम्पनी सकारात्मक सर्किट लेबलमा कारोबार भएका छन् । यस दिन सबै समूहका सूचक घटेका छन् ।
आज ३२४ कम्पनीको २ करोड ४८ लाखभन्दा बढी कित्ता सेयर कारोबार भएको छ । ६४ करोड ३८ लाख रुपैयाँभन्दा बढीसहित कारोबार रकममा सीइडीबी हाइड्रोपावर अग्रस्थानमा आएको छ । आज दोस्रो र तेस्रो स्थानमा क्रमशः एनआरएन इन्फ्रास्टक्चर र हिमालयन रिइन्सुरेन्स परेका छन् ।
