काठमाडौँ ।आज नेप्से परिसूचकमा ३७.१३ अंकले बढेर २६९०.७२ बिन्दुमा आएको छ ।आज ७ अर्ब रुपैयाँभन्दा बढीको सेयर कारोबार भएको छ । १३ मध्ये ११ वटा समूहका सूचक बढेका छन् । होटेल तथा पर्यटन समूहका सूचकमा सबैभन्दा बढी तेजी आएको छ ।
यस दिन ३०५ कम्पनीको १ करोड ५८ लाखभन्दा बढी कित्ता सेयर कारोबार भएको छ । २६ करोड २३ लाख रुपैयाँभन्दा बढीसहित कारोबार रकममा चन्द्रागिरी हिल्स अग्रस्थानमा आएको छ । आज दोस्रो र तेस्रो स्थानमा क्रमशः नेपाल इन्फ्रास्टक्चर एन्ड डेभलपमेन्ट लिमिटेड र हिमालयन रिइसुरेन्स परेका छन् ।
